ELIKADURA
JOKABIDE NAHASTEAK
Anorexia nerbiosoa
Anorexia
Nerbiosoa(AN) elikadura jokabide nahaste bat da, argal egoteko desio
obsesibo batengatik ezaugarritzen dena, hori lorzeko honelako
jokabide desegokiak burutzen direlarik : dieta murriztua eta zorrotza
eta konpentsaziozko jokabideak (nork bere buruari eragindako
gonbitoak, laxanteen gehiegizko erabilpena, diuretikoen erabilpena…).
Nahiz
eta pisua galdu, gaixotasun psikologiko hau pairatzen dutenek lodi
izateari beldur fobiko bat diote, gorputz irudiaren pertzepzio
desitsuratua dute, eta dietarekiko, irudiarekiko eta pisuarekiko
muturreko kezkak izaten dituzte.
Orokorrean
saihespen estrategiak garatzen dituzte janariarekiko eta jaten dutena
“konpentsatzeko” jokabideak (gehiegizko ariketa fisikoa, aurretik
aipatutako konpentsaziozko beste jokabideak…) burutzen dituzte.
Ez
dute “gaixo” daudelaren kontzientziarik izaten, eta ez dira
ohartzen burutzen dituzten jokabideen arriskuaz, kontuan hartuz pisu
galerak beren bizitza arriskuan jartzen dituen hutsune nutrizionalak
sortzen dituela.
Espainia
mailan, %0.14a eta %0.9a arteko populazioak, Anorexia Nerbiosoa
pairatzen du, batez ere gazteen artean eta bereziki emakumeen artean
ematen delarik, nahiz eta gaixotasun hau gizonezkoek ere garatzen
duten.
Zeintzuk
dira anorexia nerbiosoaren berezko sintoma klinikoak?
- Pisu normalari edo pisu igoerari uko egitea eta gorputz irudiaren pertzepzioaren distortsioa: anorexia nerbiosoa duten pertsonek beren arreta guztia pisuan, lodiatzeari eta gain pisuari dioten beldurrean (beldur hori handitzen joaten da pertsonak pisua galdu ahala) eta argaltzeko nahian erdiratzen dute. Beren gorputz irudia gustoko ez izatea da argaltzeko arrazoi nagusia, batez ere, hau, autoestima maila bajuarekin bat ematen denean.
- Beste nahaste psikopatologikoak: honelako sintomak egoten dira: egoera animiko depresiboa, apatia, kontzentrazio arazoak, antsietatea, suminkortasuna, isolamendu soziala, libidoaren galera edo jaitsiera eta janariaren inguruko obsesio edo erritu obsesiboak. Sintoma hauek eragin zuzena dute gaixoaren egunerokotasunean, neurri handi batean, lagunekin eta senideekin dituen harremanak okertuz.
- Nahaste fisiologikoak: pisu galeraren ondorioz, desnutrizioaren bigarren mailako nahasteak azaltzen dira, bereziki hormonalak eta metabolikoak.
- Amenorrea (lehen edo bigarren mailakoa): ilerokoaren galera, ematen den sintoma ezagunena da, baita gehien ematen dena ere. Kasuen %70ean gertatzen da, bereziki pisu galera esanguratsua denean, nahiz eta pazienteen %20ak amenorrea edukitzen duen ikusgarria den aurretiko pisu galera gabe.
Bulimia
nerbiosoa
Bulimia
Nerbiosoa (BN) atrakoi aldiengatik ezaugarritzen den elikadura
jokabide nahastea da (kontrolik gabeko jan aldiak), non elikagai
kopuru handia jaten den, denboraldi epe motz batean eta orokorrean
ezkutuan.
Pairatzen
dutenek atrakoi hauek konpentsatzen saiatzen dira beren buruari
eragiten dizkioten gonbitoen bidez eta beste konpentsaziozko
jokabideen bidez, hala nola, gehiegizko ariketa fisikoa eginez eta
otorduren bat saihetsiz.
Pisua eta itxura fisikoarekiko muturreko kezka adierazten dute, baina pisu aldaketak ez dira beti ematen. Pisu normal bat, pisu bajua zein gain pisua eduki dezakete. Bulimia nerbiosoa ezkutuko nahaste bat izaten da, ez da hain besteko erraztasunez antzematen, eta erruduntasun eta lotsa sentimenduekin bizitzen dute gaixoek. Hori dela eta, arazoarekin denbora bat daramatenean eskatzen dute laguntza.
Pisua eta itxura fisikoarekiko muturreko kezka adierazten dute, baina pisu aldaketak ez dira beti ematen. Pisu normal bat, pisu bajua zein gain pisua eduki dezakete. Bulimia nerbiosoa ezkutuko nahaste bat izaten da, ez da hain besteko erraztasunez antzematen, eta erruduntasun eta lotsa sentimenduekin bizitzen dute gaixoek. Hori dela eta, arazoarekin denbora bat daramatenean eskatzen dute laguntza.
Estatu
mailan, %0.4a eta %3aren arteko populazioak pairatzen du, bereziki
neskek.
Zeintzuk
dira bulimiaren berezko sintoma klinikoak?
- Elikadura
jokabidearen kontrol galera, maiztasun handiarekin ematen diren
atrakoiak: atrakoi
hauetan, gaixoek elikagai kopuru handiak jaten dituzte denbora tarte
laburretan.
Janaldi
hauen iraupena aldakorra izan daiteke (bi ordu inguru), eta nahiz eta
atrakoietan erabiltzen diren elikagai motak ezberdinak izan
daitezkeen, kasu gehienetan, elikagai gozoak eta kaloria kopuru
handikoak erabiltzen dira.Atrakoiak
eguneko edozein unetan ager daitezke baina ohikoagoak izaten dira
arratsalde erdialdetik aurrera. Egoera animiko nahasia
edukitzeagatik, erlazio sozialetan zailtasunak edukitzeagatik, gose
handiagatik, zein pisuarekin, gorputz irudiarekin edo elikagaiekin
erlazionatutako sentimenduengatik hasten dira.
Gaixoek, kontrol galeraren sentimendua edukitzen dute atrakoian zehar. Aurretik sentitzen zuten gaizkiegon hori epe labur batez arindu egiten da atrakoiengatik, baina gero pertsonak errudun sentitzen dira, beren burua mesprezatzen dute eta egoera animiko depresiboa edukitzen dute atrakoien ondorioz. - Pisu igoera saihesteko burutzen diren konpentsaziozko jokabideak: pairatzen duten pertsonen %80-90ak, atrakoien ondoren bere buruari gonbitoa eragiten dio. Berehalako efektua, gaizkiegon fisiko zein psikologikoaren arindura da, eta loditzeko beldurraren murriztapena. Pisu igoera saihesteko erabilitako beste teknikak, laxanteen, diuretikoen eta bestelako pilulen gehiegizko erabilpena; gehiegizko ariketa fisikoa eta jateari uztea izaten dira.
- Pisuarekiko eta irudiarekiko etengabeko kezka: loditzeari izugarrizko beldurra diote, hau da sintoma nagusiena, eta honen aldaketa ezinbestekoa da nahastea guztiz gainditzeko.
Zehaztu
gabeko elikadura jokabide nahasteak
("bigorexia”, “ortorexia”,
etab.)
Zehaztu
gabeko elikadura jokabide nahasteak, askotan bulimia edo anorexia
nerbiosoaren diagnostikorako zehaztapen guztiak betetzen ez dituzten
nahasteak dira, bai nahastearen hasieran kokatzen direlako,
errekuperazio prozesuan daudelako, zein bestelako sintomak agertzen
dituztelako. Hortaz, anorexia eta bulimia nerbiosoaren antzeko
sintomekin aurkitzen gara, baina nahasteen sintoma guztiak osorik
azaldu gabe, horrek ez du esan nahi hain larriak ez direnik. Zehaztu
gabeko elikadura jokabide nahasteetan ere, maiztasunez burutzen diren
konpentsaziozko jokabide ezegokiak (janari kopuru normal bat
kontsumitu ostean) eta atrakoien erabilera ere barne sartzen dira,
baina azken kasu hauetan, ez dago konpentsaziozko inolako
jokabiderik.
Atrakoien
Nahastea
ikerketa fasean dago, anorexia eta bulimia nerbiosoaren mailan
legokeen beste nahaste bat denentz zehazteko.
Hemen,
bulimian bezala, atrakoiak daude baina bulimian ez bezala, ez dago
atrakoi horiek nolabait konpentsatzeko inolako jokabideren
erabilpenik. Arrazoi hau dela eta, denborarekin, nahaste hau
pairatzen dutenak gain pisua edo obesidadea garatzera bideratzen
dira.
Populazioaren
%3 eta %5aren artean, zehaztu gabeko elikadura jokabide nahaste bat
pairatzen du.
Bigorexia:
gorputz gihartsu batekiko obsesioa
1993an,
Harrison G. Pope psikiatra estatu batuarrak, bigorexia hitza erabili
zuen gorputz gihartsu bat edukitzeko obsesioa adierazteko. Gizartea
azkartasun handiz aldatzen ari da eta horrekin batera, populazioaren
arazoak ere. Tamalez, aldaketa hauetako batzuek bigorexia eta
ortorexia (soilik elikagai “osasuntsuak” kontsumitzeagatiko
muturreko kezka) bezalako nahaste berrien agerpena sustatzen dute.
Bigorexia,
ez da zehatz mehatz elikadura nahaste bat, ez dago soilik elikaduran
erdiratua, Adonis konplexua bezala ere ezagutzen da. Espainian
nahaste hau pairatzen duten 700.000 pertsona inguru egon daitezkeela
estimatzen da. Aitzitik, oraindik ez da gaixotasun moduan zehaztu.
Bigorexia pairatzen duten pertsonek gorputz gihartsu bat edukitzeko
izugarrizko obsesioa dute, etengabe ispiluan begiratzen egotera
bultzatzen diena baina inoiz gustora egon gabe.
Gorputzaren
“zaintzaren” muturreko jokabide hau, gehiegizko ariketa
fisikoaren bidez bideratzen da, gorputz irudiarekiko duten kezken
eraginez. Jokabide hauen helburua, geroz eta masa muskular gehiago
irabaztea da. Horregatik, gehiegizko kirola egiteaz gain, elikadura
ere aldatzen dute, grasak saihetsiz eta proteina eta karbo hidrato
gehiegi kontsumituz, beren osasunean eragin negatiboa duena.
Bigorexia
gehienbat gizonezkoek pairatzen dute, nahiz eta emakumeetan ere eman
daitekeen. Neurriko ariketa fisikoa burutzea oso onuragarria da
gorputzarentzat, baina nahiz eta kirola osasuntsua izan, hau neurri
gabe burutzea ez da ona, nahaste emozional batean bilakatu
daitekeelarik, gorputz gihartsu bat edukitzea obsesio bat bihurtzen
denean. Gainera, obsesio honek, gorputzarentzat kaltegarriak diren
substantzia batzuk kontsumitzera bultzatu ditzazke pertsonak. Nahaste
honek ondorio kaltegarriak eragiten ditu pertsonaren osasunean
(fisiko zein psikologikoan) eta bizitza sozialean.
Bigorexia
pairatzen duen gaixoa bere gorputzarekin gustora ez dagoen eta
argalegi ikusten den pertsona dela esan daiteke, nahi duen gorputz
bolumena kirolaren bidez lortzen saiatzen delarik. Gehiegizko ariketa
fisikoaz gain, kirolarengatiko menpekotasun prozesu bat garatzen da
(gure gorputzean hormona eta neurotransmisore ezberdinengatik ematen
diren erreakzioak direla eta).
Ortorexia: Osasuntsu jateko obsesioa arazo bilakatzen denean
Elikadura
jokabideen nahastearekin erlazionatutako gaixotasun bat da ortorexia.
Honako hau da ortorexia eta beste elikadura nahasteen artean dagoen
ezberdintasuna: Anorexia eta bulimiaren arazoa janari kopuruaren
inguruan dagoen bitartean, ortorexiarena kalitatearen inguruan dago.
Biologikoki purua
den janariarekiko obsesio patologikoa bezala ulertzen da ortorexia.
Gaixotasun honen biktimek janari osasuntsuarekiko gehiegizko kezka
azaldu ohi dute, beraien biziko helburu nagusi bilakatuz. Jokaera
obsesibo-konpultsibo bat dela esan genezake, ezaugarri bezela zer jan
dezakegunarekiko gehiegizko kezka duena, eta bizitzako lehentasuna
jatearen ekintzari zuzentzen diona. Horren ondorioz, gaixotasun hau
duten pertsonek “bizitza bat izan ordez menu bat dute”.
Ortorexiaren
diagnostiko bat egiteko ondorengo irizpideak hartzen dira kontuan:
- Egunean 3 ordu baina gehiago pasatzen ditu dieta osasuntsu batean pentsatzen
- Elikagai osasuntsuak (naturalak) jatearekiko obesioa
- Haragia, gantzak eta pestizidekineta herbizidekin tratatutako elikagaiak baztertzen ditu
- Elikagaiak jatearen plazerragatik baino gehiago kezkatzen dira berauen kalitatearekiko
- Beraien elikaduraren “psikokalitatea” handitzen doan heinean jeisten da beraien bizi kalitatea
- Ez dute inoiz dieta saltatzen, ezta okasio berezietan ere, eta egiten badute errudun sentitzen dira.
- Gaur egiten du bihar jango duenaren planifikazioa.
- Bere jateko moduak sozialki baztertzen du
Hauek dira
ortorexia diagnostikatzeko zenbait irizpide. Sintomei dagokionez,
depresioa, antsietatea, hipokondriak, hiperbitaminosia edo
hipobitaminositik hasi, eta fase garatuetan elikadurarekiko nahaste
obsesibo konpultsiboetaraino iritsi daiteke.
Ondorioak:
Gaixotasun honek osasunarekiko ondorio larriak izan ditzake.
Gantzak kentzeak
adibidez, organismoarentzat ezinbestekoak diren bitamina
liposolugarrien eta gantz azidoen barneratzea zaildu dezake. Haragi
gabe berriz, burdinaren kopurua asko gutxitzen da, nahiz eta
begetalen burdina barneratu, hauen kalitatea txikiagoa baita.
Honez gain,
ortorexia duen pertsonak, kendu dituen elikagaiak ez baditu
ordezkatzen nutriente berdinak aportatzen dizkion beste batzuengatik,
gabezi nutrizional larriak izan ditzake. Honek anemia, bitamina edo
oligoelementuen gabezia, eta energia gabezia izan ditzake ondorio
gisa.
Ondorio
kaltegarriak ez dira fisikoak bakarrik. Psikologikoki, kasu
gehienetan espezialista batek tratatu beharko lituzkeen nahasteak
eragiten ditu.
Tratamendua:
Anorexia, bulimia, eta elikadura nahaste guztiak bezala, zailagoa da
sendatze piskologikoa fisikoa baino, pertsona ortorexikoak denboran
zehar hartu dituen ohitura guztiak ezabatu behar baitira.
Obesitatea
OMS-aren
anabera, obesitate eta gainpisuaren indizeek “epidemia” larri
baten aurrean kokatzen gaituzte. Espainiako Osasun eta Kontsumoaren
Ministerioaren datuen arabera, arazo hauek biztanleria
Espainiarraren %53-a hartzen dute. SEEDO-ren arabera
(Obesitatearen estudiorako Espainiako elkartea) espainiarren %14.5
obesoak dira eta %39-ak gainpisua du. Haur obesitateak haurren %17-a
hartzen du eta 14 urtetik beherakoen %12-a
Gaur egun,
obesitateari loturiko arazo fisikoak eta osasun arazoak ezagutu eta
transmititzen dira, eta hau da, obesitatea duten haur, nerabe eta
helduek tratamendua bilatzeko arrazoi nagusia.
Baloratzekoak
dira obesitatea edo gainpisua duten pertsonek izan ditzaketen ondorio
piskologiko eta sozialak. Ondorio psikosozial hauen arrazoietako bat,
mendebaldeko gizarteen argaltasunarekiko ideal estetikoaren difusioa
da, ideal honi mota guztietako ondorio positiboak emanez.
Edertasunari eta
arrakastari lotutako ideal estetiko hau zabaltzeak, obesitatearen
aurkako zenbait jarrera agerrarazten ditu, eta gainpisua edo
obesitatea dituzten pertsonen diskriminazioa eta marginazioa egoteko
aukerak handitzen ditu. Ondorioz, arazo psikologiko eta sozialak
emateko aukera areagotzen da.
Ager daitezkeen
arazo
psikologiko
guztietatik, bere gorputzarekiko atsekabea da obesitatea edo
gainpisua duten pertsonek gehien aipatzen dutena. Norbere
gorputzarekiko irudi negatibo batek arazko piskologikoak izan ditzake
ondorio bezala: depresioa, autoestima baxua, antsietatea, besteekin
erlazionatzeko arazoak,... Guzti hauek elikadurarekiko jarrera
arriskutsuenazaltzeko arriskuarekin erlazionatuta daude, edota
elikadura jokabideen nahaste bat azaltzeko aukerekin.
¿EJN
eta obesitatearen artean ba al dago erlaziorik?
Obesoen
%20-30-en obesitatea izateko arrazoia atrakoien ondoriozko nahaste
bat da. Kasu hauetan,
obesitatea ez da alterazio nutrizional edo genetiko baten ondorioa,
eta ikuspuntu psikologiko batetik begiratu behar da. Kontrol faltaren
sentsazioa da ondoez nagusia, eta ondorioz atrakoiak egoten dira,
pisu igoera eta obesitatea areagotuz.
Elikadura
jokabideen nahaste baten ondoriozko obesitate kasuak altuak direla
kontuan izanik, paziente mota honi zuzentzen zaion
tratamenduak pisu igoera eragiten duen alderdi piskologikoak kontuan
izan behar ditu.
Obesitateak izan
ditzakeen ondorio fisiko eta psikologikoez gain, gainpisua edo
obesitatea duten haurrek nerabezaroan elikadura jokabieen nahaste bat
izateko aukera handiagoa dutela frogatu da.
Gaixotasun hauei buruzko zenbait datu eta
prebentzioaren beharra:
-Elikaduraren
nahaste eta arazoek (EJN, gainpisua, obesitatea,...) Espainiar
biztanleriaren %50-ri eragiten dio gutxi gora behera.
-Espainiako
neska nerabe eta gazteen %6-ak elikadura jokabideen nahaste bat
sufritzen dute, talde honetako 3. gaixotasun kronikoa izanik. %11
bere gaztaroan zehar nahasteren bat jasateko arriskuan dago,
osasunarentzat arriskutsuak diren jokaerak izaten baitituzte,
barauak, pisua galtzeko botaka egitea probokatzea, medikuaren
kontrolik gabeko dieta murriztaileen erabilerak...
-Gaur
egungo edertasunari lotuta dauden muturreko argaltasunak eta berezko
ixturatik gero eta gehiago urruntzen diren gazteek bizi estilo
txarrak eragiten dituzte: otorduak saltatzea, barauak, erretzea,
botaka egitea, laxanteen kontsumoa, diuretikoak, eta argaltzeko beste
zenbait produktu.
-Emakumeek
ondoeza, kulpa sentimenduak, lotsa eta segurtasun-gabezia sentitzen
dute gorputz argalen irudiak ikustean; eta honekin batera beraien
gorputzarekiko desadostasuna handitzen da.
-Espainiako
Nerabeen %65-a ez dago gustura bere gorputzarekin.
-Espainiarren
%40-ak ez du bere neurria aurkitzen. Honez gain, %87-ak bere taila
dendaren arabera aldatu egiten dela dio, edota denda berdinean
erropa batetik bestera. Hauen %58-a “triste”, “kezkatuta” edo
“errudun” sentitzen da. Hau da, piskologikoki negatiboki
afektatzen die, eta honek beraien gorputzarekiko ezadostasuna
eragiten du. Hauen artean %44-ak (gehienak emakumeak) kontrolik
gabeko dieta bat egitea planteatzen du, EJN bat izateko arriskua
areagotuz.
-Emakumeen
%90-ari eta gizonen %10-ri eragiten dio.
-EJN
duten pertsonen %97-ak kontrol medikorik gabeko dieta bat burutu izan
du bere bizitzan zehar, edo orain burutzen ari da.
-Espainiako
gazteen %65-a ez dago bere gorputzarekin gustura.
-Datu
orokorrak existitzen ez diren arren, EJN-ren intzidentzia (kasu
berrien sorkuntza) egonkor mantentzen dela ematen du : ez da ez
txikitzen eta ezta handitzen ere. Baina EJN zehaztugabeen kasu
gehiago, emakumeen hasiera beranduago bat (35 urte beteta) eta
gizonetan EJN kasu gehiago, batez ere bulimia (baina normalean
gizonen konpentsatzeko modua gimnasiora joatea izan ohi da)
erregistratu dira azkenengo urteotan.
-EJN-ak
beste gaixotasun batzuei lotuta joan ohi dira:
-%17-ak
drogak kontsumitzen ditu.
-%50-ak
antsietatearen nahasteak ditu.
-%100-ak
sintoma depresiboak edo depresioa du.
-%29-ak
pertsonalitatearen nahaste bat edo gehiago ditu.
No hay comentarios:
Publicar un comentario